O‘zbekiston Respublikasi Markaziy saylov komissiyasining 2025-yil 19-noyabrdagi “Ayrim bo‘shab qolgan o‘rinlarga mahalliy Kengashlar deputatlarining saylovini tayinlash to‘g‘risida”gi 1453-sonli qaroriga asosan Toshkent viloyati Ohangaron shahri 1-No‘g‘ayqo‘rg‘on okrugida xalq deputatlari mahalliy Kengashining bo‘shab qolgan deputatlik o‘rni uchun 2025-yil 21 dekabr, YAKSHANBA kuni saylov bo‘lib o‘tadi.

2025-yil 21-dekabr kuni bo‘lib o‘tadigan saylovga tayyorgarlik ko‘rish va uni o‘tkazish bilan bog‘liq tadbirlar bo‘yicha hududiy saylov komissiyasining toshkent.saylov.uz sayti orqali tanishib borish mumkin.

Eslatma!

1. Saylov kuniga qadar yoki saylov kuni 18 yoshga to‘lgan O‘zbekiston Respublikasining fuqarolari saylash huquqiga egadir;

2. Saylov byulleteni saylovchining shaxsini tasdiqlovchi hujjati asosida tegishli saylov uchastkasining saylovchilar ro‘yxatiga kiritilgan fuqarolarga beriladi;

3. Ovoz berish saylov kuni soat 8:00 dan 20:00 gacha o‘tkaziladi.